Alex Frei lirohet nga detyra!

Trajneri i skuadrës së Wil 1900 në Challenge League të Zvicrës, Alex Frei, është ndarë me ekipin e tij. Sipas njoftimit të lëshuar pak më parë nga FC Wil 1900 Frei dhe klubi kanë vendosur t’i japin fund bashkëpunimit që kishte nisur që prej shtatorit të vitit të kaluar, kur sulmuesi legjendar i Zvicrës zëvendësoi Ciriaco Sforzan në detyrë.

Wil ka bërë të ditur se do të njoftojë për trajnerin e ri sonte, ndërsa Frei që ka qenë shumë i përfolur nga mediat zvicerane si opsion i zëvendësimit të Bernard Challandes në krye të Kosovoës, mbetet të shihet nëse do të ndodh një gjë e tillë.

Kosovën aktualisht po e drejton ndihmësi i Challandesit, slloveni Primoz Gliha. Por ai pritet të jetë i përkohshëm sa për të përfunduar ciklin kualifikues drejt Katarit 2022, që përfundon këtë javë, me miqësoren ndaj Jordanisë dhe kualifikuesen e fundit, ndaj Greqisë.