Theophilus Solomon (KF Ballkani), Ylli i javës (13)

Sulmuesi nigerian i Ballkanit, Theophilus Solomon, është shpallë lojtari më i mirë i xhiros XIII të Superligës së Kosovës në futboll.

Futbollisti 25-vjeçar i suharekasve ka qenë vendimtar në përballjen që Ballkani i drejtuar nga Bekim Isufi fitoi derbin e xhiros ndaj Dritës 2-0, ku shënoi dy herë për fitore. Me këtë fitore Ballkani ka siguruar vendin e parë në renditjen tabelare të Superligës dhe shkon në pushim të kombëtareve si lider.

Në total, Theo Solomon ka shënuar tre gola për Ballkanin, derisa po tregon në fushë se dalëngadalë po e kap formën e premtuar në verë, kur u prezantua si përforcim i bujshëm për klubin suharekas.