Andaluzia i takon Sevillës

Sevilla është treguar shumë më e fortë në derbin lokal ndaj Real Betisit sonte në kuadër të La Ligas. 

Ekipi i Unai Emeryt ka shënuar fitore të lehtë duke krijuar epërsi të hershme, derisa për më tepër i ka kontribuuar edhe mbrojtësi brazilian i Betisit, Paulao, që morri dy kartonë të verdhë brenda 5 minutave (36’ dhe 42’) për t’i lënë shokët në fushë mangu. 

E pastaj filloi furia e Sevillës që rreshtoi edhe tre gola tjerë për fitoren përfundimtare prej 4-0. 

Me këtë fitore Sevilla ka dalë në vendin e tetë të tabelës dhe është shumë afër zonës europiane. Carlos Bacca 2’, Stephane M’Bia 43’, Vitolo 59’ dhe Iborra 88’ kanë qenë golashënuesit e Sevillës në fitoren e madhe ndaj rivalëve të përbetuar të tyre.

Rezultatet dhe tabela aktuale.