Argjentina - me trofeun rekord të Copa Americas

Lautaro Martinez dha gol në kohën shtesë ndërsa Argjentina mundi Kolumbinë 1-0 për të fituar titullin e 16-të rekord të Copa Americës, në finalen e Miamit që u vonua për më shumë se një orë.

Njerëzit pa bileta u përpoqën të hynin në Stadiumin Hard Rock dhe portat u desh të mbylleshin ndërsa organizatorët përpiqeshin të merrnin kontrollin e situatës.

Angel Di Maria e përfundoi karrierën ndërkombëtare me një fitore të madhe, duke e përshkruar atë si një finale “ëndërr”.

Argjentina fitoi një titull rekord të 16-të të Copa America me një fitore 1-0 në kohën shtesë ndaj Kolumbisë, por finalja u errësua nga trazirat e turmës që shkaktuan një vonesë të nisjes prej më shumë se një ore në Miami.

Lautaro Martinez shënoi golin fitues në minutën e 112-të pasi Lionel Messi, emocionalisht i prekur, u detyrua të largohej në pjesën e dytë për shkak të një dëmtimi.

Në skena që sollën në mendje finalen e Euro 2020 në Wembley (në korrik 2021), tifozët pa bileta u përpoqën të hynin në Stadiumin Hard Rock me kapacitet prej 65,000 personash - stadium që do të përdoret edhe për Kupën e Botës 2026 - duke detyruar organizatorët të mbyllnin dyert dhe t’u ndalonin hyrjen tifozëve që kishin bileta.

Në komunikatën nga stadiumi tha se “mijëra tifozë pa bileta tentuan të hynin me forcë në stadium, duke vënë në rrezik ekstrem tifozët e tjerë, sigurinë dhe oficerët e zbatimit të ligjit”. Ndeshja përfundimisht filloi një orë dhe 22 minuta më vonë se sa ishte planifikuar.

Një deklaratë tjetër pasoi disa orë më vonë, me Stadiumin Hard Rock që mbronte përgatitjet e tij me CONMEBOL dhe CONCACAF dhe pranoi se disa tifozë me bileta nuk arritën të hynin në vend për shkak të disa tifozëve që u angazhuan në “sjellje të paligjshme, luftim me oficerët e policisë, shembjen e mureve dhe barrikadave dhe vandalizimin e stadiumit”.