MEDIA
Arsenal shpreh interesim për Hysajn
12 June, 2016 @9:56
Elseid Hysaj mund të bëhet bashkëlojtar i Granit Xhakës te Arsenali.
Sipas mediumit britanez, Daily Star, topxhinjtë kanë shprehur interesim për yllin e kombëtares shqiptare, ndërsa 22 vjeçari shikohet si njeriu ideal për mbrojtjen e ekipit të Arsene Wengerit.
Hysaj në ndeshjen kundër Zvicrës ka qenë njëri prej më të dalluarve te kuqezinjtë, derisa pas përjashtimit me karton të kuq të Lorik Canës, ka bartur edhe shiritin e kapitenit.
Mbrojtësi anësor ka kontratë me Napolin deri në vitin 2020, ndërsa kartoni i tij aktualisht kap vlerën e 12 milionë eurove.
