Arsenali me përmbysje

​Një paraqitje për t’u mbajtur mend e Hector Bellerin bëri që Arsenali të përmbyste rezultatin dhe të kualifikohej më tutje në kupën FA. Përkundër guximit që shfaqën gjatë gjithë ndeshjes dhe disa rasteve të mira që patën kur rezultati ishte 1-1, Sunderlandi doli “duarthatë” nga Emirates.

Goli i Jeremy Lens i dhuroi mysafirëve epërsinë e parë, mirëpo kjo nuk mjaftoi, pasi që Arsenali shënoi tri herë. Fillmisht Campbell barazoi rezultatin në pjesën e parë e më pas në 20 minutat e fundit Ramsey e Giroud i siguruan fitoren vendasve, kampion në fuqi të FA Cup. Vlen të përmendet fakti që dy golat e fitores u asistuan nga Hector Bellerin.

Kjo fitore bën që Arsenali të kalojë në 1/16 e finales së FA Cup.