Ata kanë qejf të vajtojnë

Pas ankesave të Arsenalit lidhur me mosdhënien e një penalltie dhe mospërjashtimin e John Obi Mikelit në një duel me mesfushorin e topçinjëve, Mikel Arteta, trajneri i të kaltërve, Jose Mourinho ka thënë se futbollistët e Arsenalit kanë qejf të vajtojnë. 

“E dini, ata kanë qejf të vajtojnë,” ka thënë Morinho, transmeton The Guardian sot. 

“Kjo është traditë. Por unë i thashë gjyqtarit të katërt në ndeshje, se anglezët, për shembull Frank Lampard - kurrë nuk do të provokonin një situatë të tillë. Futbollistët nga vendet tjera, veçanërisht nga disa, e kanë këtë në gjak. Nëse kundërshtari bën kontakt pak më të ashpër, ata ndalen. Por ky është futboll anglez. Unë preferoj gjakun anglez. Gjaku anglez në këtë situatë thotë: “Në rregull, shkojmë’.” 

Me barazimin e mbrëmshëm ndaj Arsenalit, Chelsea, ka mbetur në vendin e katërt të tabelës, derisa trajneri Mourinho ka ngritur në 7 numrin e ndeshjeve pa humbje ndaj homologut të tij, Arsene Wenger. 

Barazimi i Arsenalit dhe Chelseat mbrëmë më së shumti i ka konvenuar Liverpoolit, që do të festojë kërshëndellat në krye të tabelës së Premier League.