MEDIA
Donis Avdijaj dhe stadiumi i Besiktasit, Vodafone Arena, në sfond
Avdijaj në Besiktas? Rriten spekulimet
21 May, 2016 @16:12
Futbollisti shqiptar i Schalkes, i cili këtë stinor ishte i huazuar në Strum Graz, Donis Avdijaj, ka tërhequr vëmendjen e mediave turke të cilët e kanë përafruar atë me skuadrën kampione të Turqisë, Besiktas.
Avdijaj këto ditë po kalon pushimet në Stamboll të Turqisë, ndërsa shkas për spekulimet me Besiktasin janë bërë postimet e fundit të futbollistit në llogarinë e tij zyrtare në Instagram.
Avdijaj në një fotografi shihet i vetëm duke u ulur, ndërsa pas tij shihet stadiumi “Vodafone Arena” në të cilin i zhvillon ndeshjet si vendas skuadra e Besiktasit, derisa në një fotografi tjetër shihet duke u shoqëruar së bashku me futbollistin e Besiktasit, Veli Kavlak.
Pas këtyre fotografive, janë vërsulur tifozët e Besiktasit, të cilët e kanë ftuar 19 vjeçarin që t’i bashkohet skuadrës bardhezi.
