Azemi e Mavraj, pa fat

Sulmuesi i përfaqësueses kosovare, Ilir Azemi dhe qendërmbrojtësi i përfaqësueses shqiptare, Mërgim Mavraj, nuk kanë arritur të kualifikojnë ekipin e tyre, Greuter Furth, për në Bundesligë. 

Kjo, pasi që ekipi i tyre ka barazuar ndaj Hamburgut në Troll Arena 1-1 si vendas, që la Hamburgun ekip të Bundesligës për shkak të golave të shënuar si mysafir. Ndeshja e parë e zhvilluar e Play-Outit kishte përfunduar 0-0 në Hamburg. 

Azemi dhe Mavraj ishin nga 90 minuta në fushë, derisa ekipi i tyre ra heret në disavantazh kur Pierre Lasogga shënoi për 0-1. Përkundër se Greuter Furth arriti të barazojë me anë të Stephan Furstnerit në 1-1, në fund nuk patën fat për të shënuar edhe njëherë - për rikthimin e tyre në Bundesligë. 

Në anën tjetër, me këtë, Hamburg mbetet ekipi i vetëm në Gjermani që nuk ka rënë asnjëherë në kategori më të ulët të garave se liga elite gjermane.