Azemi shënon 2 herë në fitore

Ilir Azemi ka shënuar dy gola në fitoren e Greuter Furthit sot në kuadër të xhiros së XXVII të Bundesliga 2 në ndeshje ndaj Fortuna Dusseldorfit. 

Sulmuesi i përfaqësueses kosovare ka shënuar dy golat e para të ekipit të tij në fitoren me rezultat 4-1. 

Edhe Mërgim Mavraj, mbrojtës i kombëtares, ka qenë pjesëmarrës 90 minuta në këtë fitore të rëndësishme të ‘zebrave’ për rikthim në Bundesligë. 

Greuter Furth vazhdon luftën për një pozitë direkte që çon në Bundesligë dhe tashmë ka 48 pikë nga 27 ndeshje, një më pak se Kolni që ka një ndeshje më pak të zhvilluar. 

Ilir Azemi me sot ngrit numrin e golave të shënuara në 6, derisa Greuter Furth përforcohet në pozitën e dytë të Bundesligës 2. 

TABELA AKTUALE, Bundesliga 2