Gibbs dhe Ox, i shpëtojnë dënimit

Arsenali do të ketë në dispozicion sonte futbollistët Kieran Gibbs dhe Alex Oxlade Chamberlain, pasi që klubi ka fituar në ankesën e bërë drejt Federatës.

Gibbs morri karton të kuq në ndeshje me Chelsean në fundjavë, gabimisht. Në fakt Chamberlain ishte ai që kishte ndalur topin me dorë.

Mirëpo, edhe pse ky i fundit tentoi t’i tregonte gjyqtarit Andre Marriner se është vetë fajtor - doli jashtë.

Federata angleze njoftoi se e ka zëvendësuar dënimin prej Gibbs te Chamberlain, por Arsenali reagoi përsëri duke thënë se teknikisht Chamberlain nuk e ndali golin e sigurtë, pasi që shuti i Eden Hazard shkonte jashtë portës.

Kështu, Arsenal ka fituar të drejtën që të dy futbollistët t’i ketë në dispozicion sonte, pasi që asnjëri nuk do të vuajë dënimin nga loja e kaluar.

Arsenal sonte ndeshet me Swansea City në kuadër të ndeshjes së mbetur në Premier League.

Arsenal javë më parë është eliminuar nga Liga e Kampionëve dhe tani është duke luftuar për të zënë një vend që e rikthen atë në Ligë të Kampionëve stinorin tjetër, derisa edhe lufta për titull teorikisht është e hapur në Premier League.