Messi me rekord e hat-trick në El Clasico

Lionel Messi ka shënuar hat-trick në Santiago Bernabeu për t’ia sjellë fitoren e madhe Barcelonës 3-4, në trillerin e sontëm. 

Ndeshja me popullaritet më të madh në botë, i ka takuar katalonasve të cilët tashmë i kthehen luftës për titull dhe deri në fund të stinorit vazhdon që të mos dihet asgjë - lidhur me fituesin e mundshëm. 

Përndryshe, Leo Messi sonte ka hyrë edhe në histori të El Clasicove si lojtari me më së shumti gola të shënuara në këtë derbi, duke e lënë pas tij legjendën e Real Madridit, Alfredo Di Stefano. 

Messi sonte arriti shifrën e 21 golave në El Clasico. 

Sa i përket ndeshjes - ajo i ngjau një El Clasicoje të vërtetë - ku kishte gjithçka. Avancoi Barcelona falë një mjeshtrie të Andres Iniestës, derisa françezi Karim Benzema si një ekzekutor i vërtetë para portës ia dha epërsinë madrilenëve, 2-1. 

Skuadrat shkuan në pushim me barazim 2-2, pas golit të parë në ndeshje të Lionel Messisë. 

Në pjesën e dytë përsëri avancoi Reali. Ka qenë Cristiano Ronaldo që ka shënuar nga penalltia - për 3-2. E që pjesa e dytë ishte pjesë ku golat do të shënoheshin nga penalltia - u pa më vonë - kur referi i ndeshjes akordoi edhe dy penallti për Barcelonën të cilat i dha Messi për fitoren 3-4. 

Njëherë në zonë u pengua Neymar, ndërsa në të dytën herë Iniesta - kur referi dha penalltitë për blaugranat. Real prej penalltisë së Neymarit mbeti me 10 futbollistë në fushë pasi që Sergio Ramos morri kartonin e dytë të verdhë.  

Lufta për titullin e kampionit në Spanjë - vazhdon të jetë e nxehtë. 

Rezultatet dhe tabela aktuale. 

FAKTE: