Liria ankohet në referim

Skuadra e Lirisë së Prizrenit ëshë ndarë e pakënaqur nga referimi në ndeshjen ndaj Ramiz Sadikut në Prishtinë. 

Prizrenasit gjatë ndeshjes që përfundoi 0-0 shënuan dy gola, një në pjesën e parë, një në pjesën e dytë - por që të dyja u anuluan nga gjyqtarët e ndeshjes. 

Kështu krerët e skuadrës kanë kërkuar nga Komiteti Ekzekutiv i Federatës së Futbollit të Kosovës që tash e tutje klubit prizrenas t’i delegohen gjyqtarë nga Superliga, derisa gjyqtarët e kësaj jave Liridon Hasani, S. Reçica dhe Nuhi Hysenaj të mos referojnë më ndeshjet e bardhezinjëve, ka njoftuar sot Sport Plus.

Liria është në pozitën e tetë të Ligës së Parë dhe pretendon kthimin në elitë këtë stinor, derisa ka dhjetë pikë më pak se lideri Istogu. 

Deri në fund të stinorit ka edhe 13 xhiro për tu zhvilluar.