NË PRIZREN
Bakaj vjen, largohet Kaloshi
15 August, 2017 @8:08
Prizrenasit duket se më në fund kanë gjetur një portier.
Njoftimi zyrtar i klubit dje ka bërë të ditur se është arritur marrëveshja njëvjeçare me portierin e Tiranës, Edvin Bakaj, siç u paralajmërua në media ditë më parë.
Ndërsa në anën tjetër, ekipi ka ndarë rrugët me Mikel Kaloshin, që erdhi në fillim të muajit nga Tomorri, “pasi që nuk bindi me performancën e treguar” - ka bërë të ditur Liria.
Njejtë, ditë më parë Liria humbi edhe portierin e deritashëm të parë të saj, Armend Ruxhi, i cili shpejt pritet të gjejë një ekip tjetër, pasi që Borozani.com ka mësuar se është duke biseduar me disa klube.
