Në plan, rikthimi në Madrid

Gareth Bale ka në plan të përfundojë qëndrimin e tij në Tottenham në fund të sezonit dhe të kthehet në Real Madrid.

Kapiteni i Uellsit, Bale u bashkua me Spurs në huazim në shtator dhe ka shënuar 10 gola në 25 paraqitje në të gjitha garat për ekipin e Jose Mourinho.

Kontrata e 31-vjeçarit në Madrid zgjat deri në fund të sezonit 2021/22.

“Plani ishte të bëja një sezon te Spurs dhe pas Euros të mbetet akoma një vit në Real Madrid. Plani im është të kthehem, kjo është aq sa kam planifikuar”, tha Bale në konferencën për shtyp përpara ndeshjes me Belgjikën.

Ndeshja në mes Uelsit dhe Belgjikës do zhvillohet nesër në ora 20:45.