GIUSEPPE MEAZZA
lagazzetta
Barazim i kryesuesve
16 November, 2014 @23:01
Dy ekipet me ecuri perfekte në Grupin H, kanë barazuar sonte.
Ndeshja e fqinjëve përballë Adriatikut, Itali-Kroaci, përfundoi me barazim 1-1, i cili u arrit shpejtë në ndeshje.
Për vetëm 15 minutat e para të lojës, u përcaktua rezultati i ndeshjes. Antonio Candreva i dha epërsinë italianëve, derisa shpejtë barazoi Ivan Perisic.
Natë historike për De Rossin dhe Olicin
Gjatë ndeshjes, Kroacia u duk më serioze dhe me raste më të mira, derisa italianët disi e kishin vështirë organizimin e sulmeve konkrete.
Kroacia sonte ka pranuar golin e parë në kualifikime për EURO 2016.
Ajo çka vlen të përmendet, Daniele De Rossi dhe Ivica Olic, kanë regjistruar paraqitjet e tyre të 100-ta jubilare për përfaqësueset e tyre, ndërsa dy përfaqësueset në fjalë, mbesin të pamposhtura në grupin përkatës dhe duken favorite për dy vendet e para që dërgojnë drejtpërdrejtë në EURO 2016.
