Barazim në derbi

Kampioni i Anglisë, Manchester City, përkundër se dëshironte fitoren, në fund u kënaq me barazimin e arritur ndaj Arsenalit në Emirates. 

Djelmoshat e Arsene Wengerit u ngjallën tërësisht në pjesën e dytë të ndeshjes duke përmbysur epërsinë e Man Cityt të arritur në pjesë të parë nëpërmjet Sergio Agueros për të marrë epërsinë 2-1. 

Mirëpo, në fund, qendërmbrojtësi argjentinas, Martin Demichelis shënoi për të neutralizuar rezultatin që deri në fund nuk ndërroi më, duke ndarë ekipet pikët. 

Jack Wilshere ka qenë njëri ndër futbollistët më të dalluar të takimit për Topçinjtë sot, duke shënuar dhe asistuar, derisa me fanellën e tyre debutoi edhe Danny Welbeck që luajti tepër mirë për ekipin e tij të ri. 

Derisa Arsenal ka regjistruar barazimin e tretë të stinorit sot, Manchester City ka marrë barazimin e parë të stinorit. 

REZULTATET, TABELA AKTUALE DHE NDESHJET E RADHËS