GRUPI A: ARSENAL - PSG
Barazim në Londër, Parisi lider
23 November, 2016 @22:41
Në takimin mes dy skuadrave të kualifikuara por që po luftojnë për kreun e Grupit A, fitues nuk pati dhe ndeshja u mbyll me shifrat 2-2, rezultat i cili i konvenon Parisit.
Ashtu si në ndeshjen e parë në Francë, edhe sonte Parisi e dominoi takimin, duke krijuar shumë më tepër raste për shënim, mirëpo pa e arritur fitoren. Arsenali golin e gjeti një herë nga pika e bardhë e një herë përmes autogolit të mysafirëve, ndërsa rast tjetër konkret për shënim nuk pati.
Në anën tjetër, Parisi shënoi përmes Cavanit e autogolit të Iwobit, i cili nuk arriti ta largonte siç duhet goditjen me kokë të Lucas Mouras. Uruguajani mund të kishte shënuar hat-trick sikur të ishte më i vëmendshëm para portës, ndërsa Lucas Moura pati edhe një shtyllë nga goditja e dënimit.
Për 90 minuta në këtë takim u paraqit Shkodran Mustafi, ndërsa Granit Xhaka u inkuadrua në minutën e 77’.
Gjithsesi, ky barazim bën që Parisi të jetë në krye të Grupit A, pasi që është më i suksesshëm në ndeshjet direkte ndaj Arsenalit. Nëse nuk gabon në ndeshjen e fundit, skuadra e drejtuar nga Emery kualifikohet si lider i grupit, ndërsa Arsenali kalon në fazën tjetër nga vendi i dytë.
Arsenal vs PSG 2-2 All goals and Highlights 23… by enteritament
