Barazim për Shkëndijën

Ndeshja e parë e rrethit të dytë të kualifikimeve në Europa League, ndërmjet Shkëndijës dhe skuadrës nga Azerbejxhani, Neftçi, përfundoi me rezultat të barabartë 0-0.

Shkëndija edhe pse ishte më sulmuese dhe e kërkoi më shumë golin, nuk arriti ta mposht portierin kundërshtar përgjatë 90 minutave.

Tetovarët rrezikuan disa herë sidomos me Besar Ibraimin, i cili në pjesën e parë edhe e goditi shtyllën në portën e zbrazur pasi e dribloi portierin kundërshtar.

Ndërsa në minutat e fundit të takimit edhe vendasit u treguan të rrezikshëm, por jo edhe aq sa për të shënuar.

Me këtë rezultat, gjithçka mbetet e hapur për ndeshjen e kthimit, e cila luhet javën e ardhshme, më 21 korrik, në stadiumin Filipi II të Shkupit.

FORMACIONET ZYRTARE