Barça e Enriques me super rekord

Barcelona që sonte u paraqit me ekip të përgjysmuar ndaj Valencias në ndeshjen e kthimit të Copa del Rey, ka thyer rekordin e ndeshjeve pa u mposhtur në histori të klubit nën drejtimin e Luis Enriques. 

Valenica dhe Barcelona barazuan sonte 1-1. Ndërsa ndeshja e parë kishte përfunduar 7-0 për Barcelonën dhe katalonasit ecën drejt finales. 

Luis Enrique arriti numrin e 29 ndeshjeve pa humbje, duke e thyer rekordin e Pep Guardiolës, që kishte 28 të tilla radhazi. 

Në finale Barcelona pritet të luaj me Sevillën që ka mposhtur Celta Vigon 4-0 në ndeshjen e parë, ndërsa ndeshja e kthimit luhet nesër dhe vetëm një befasi e madhe mund t’i eliminojë andaluzianët nga finalja.