MALAGA - BARCELONA
Barça humb mundësinë për ta kap Realin
8 April, 2017 @22:28
Barazimin e Real Madridit me Atletico Madridin, nuk e ka shfrytëzuar aspak mirë skuadra e Barcelonës, e cila është mposhtur me rezultat 2-0 nga Malaga.
Ekipi i Luis Enriques ka humbur mundësinë për t’u barazuar me pikë me Real Madridin, duke marr kështu një goditje të rëndë në luftën për titull.
Malaga kaloi në epërsi nga minuta 32’, kur Ramirez mbeti ballë për ballë me portierin pas një pasimi të gjatë dhe me qetësi shënoi për 1-0.
Gjërat për Barcelonën u vështirësuan akoma më shumë në minutën 65’, pasi skuadra mbeti me 10 lojtarë pas kartonit të kuq të brazilianit Neymar, i cili bëri një ndërhyrje të palejuar.
Krejt në fund, saktësisht në minutën 90’, në skenë doli Jony, i cili pas një kundërsulmi shënoi për rezultatin përfundimtar 2-0.
