Barça perfekte, s’pranon gol ende

Barcelona përveç që po shënon fitore, ka edhe një karakteristikë tjetër këtë stinor. Katalonasit ende nuk kanë pësuar gol. 

Kombinimet e qendrës së mbrojtjes me Jeremy Mathieun po tregohen të fuqishme. Mathieu që erdhi nga Valencia gjatë verës, luajti edhe me Gerard Pique-në, por edhe me Javier Mascheranon sonte në qendër të mbrojtjes - dhe po tregohet të jetë një mur i vërtetë. 

Sa i përket ndeshjes, Lionel Messi, ka treguar se është tejet i interesuar për të asistuar. Ai ka ndihmuar bashkëlojtarët e tij që të shënojnë gola sonte. 

Më vonë, ka dështuar të shënojë një penallti - që tregon se edhe ai është njeri. Ndërsa krejt në fund, ka paraboluar portierin e Levantes, Jesus Fernandez, duke shënuar gol me të djathtën jodominante. 

Neymar hapi serinë e golave për Blaugranat, derisa kroati Ivan Rakitic, shënoi pas një projektili, golin e parë të tij në La Liga si lojtar i Barcelonës. Në pjesën e dytë shënuan edhe zëvendësuesi Sandro Ramirez dhe Pedro Rodriguez. 

Levante, tërë pjesën e dytë e luajti me 10 lojtarë në fushë, pasi që greku Loukas Vyntra, u skuq në minutën e 41-të të ndeshjes duke shkaktuar penallti. 

Kjo është fitorja e katërt e Barcelonës pas katër xhirove të zhvilluara, që ka golaverazh impresiv 11:0 me 12 pikë maksimale. 

E Levante, mbetet ekipi i vetëm që ende nuk ka shënuar gol në La Liga sivjet, me një pikë të vetme të fituar deri më tani dhe e ngujuar në fund të tabelës. 

REZULTATET, TABELA AKTUALE DHE NDESHJET E RADHËS