Lampard, prish rrjedhën perfekte të Chelseat

U fut në lojë me ovacione nga i gjithë publiku. Si vendas, ashtu edhe mysafir. Legjenda e Chelseat, Frank Lampard, vetëm pak minuta pasi që hyri në lojë ka shënuar gol për ekipin e tij të ri, Manchester City, duke mos festuar golin që ndali rrjedhën perfekte të deritashme në kampionat të ish ekipit. 

Derbi i xhiros në Premier League, Manchester City - Chelsea përfundoi me barazim, pasi që më parë, londinezët në epërsi i kishte sjellë gjermani që u fut si zëvendësues, Andre Schurrle, pasi që iu kundërpërgjigj bukur një topi të krosuar nga Eden Hazard. 

Chelsea kishte shfrytëzuar maksimalisht kartonin e kuq të Pablo Zabaletas, që u përjashtua pas dy të verdhave, për të dalë në epërsi. Por i tërë mundi i tyre u ndalë nga ish lojtari, Lampard, që goditi me volej, krosimin gjithashtu me volej të James Milnerit. 

Lamp’s nuk festoi golin, por shpëtoi një pikë për ekipin e tij të ri, Manchester City, derisa ndali rrjedhën perfekte të katër fitoreve me radhë të Chelseat. 

Chelsea, sidoqoftë, mbetet lider me 13 pikë derisa City me pikën e fituar ka dalë në vendin e gjashtë të tabelës.  

REZULTATET, TABELA DHE NDESHJET E RADHËS