GRUPI F
Barcelona fiton, por Cavani mban Parisin lider
21 October, 2014 @22:40
Barcelona është treguar e fortë për Ajaxin sonte në Camp Nou. Ekipi i Luis Enriques ka arritur që të dalë shpejtë në epërsi, për t’ia shuar shpresat holandezëve të talentuar.
Neymar dhe Leo Messi kanë shënuar për një 2-0 të shpejtë brenda 25 minutave të para të ndeshjes, për të vazhduar ndeshjen pa probleme deri në fund.
Ekipi i ish lojtarit të Barcelonës, Frank De Boer, ka treguar lojë të pëlqyeshme dhe ka pasur rastet e veta, duke u shpërblyer në fund kur shënoi zëvevndësuesi Anwar El Ghazi për të zbutur epërsinë në 2-1, derisa talenti i Barcelonës, që hyri në ndeshje në vend të Neymarit, Sandro Ramirez përcaktoi rezultatin përfundimtar 3-1.
Lideri i Grupit F, vazhdon të jetë Paris St Germain, që me fitore minimale në fund të ndeshjes ka mbetur ekipi i vetëm i pamposhtur në këtë grup.
Uruguajani korpulent, Edinson Cavani, ka shënuar golin e vetëm të takimit 3 minuta para fundit të ndeshjes për fitoren 0-1 të ekipit të Laurent Blanc.
Ndeshjet e radhës:
| Ajax-Barcelona | |||
| Paris St Germain - APOEL |
TABELA E GRUPIT F:
| 1 | Paris St Germain | 7 pikë | ||
| 2 | Barcelona | 6 pikë | ||
| 3 | Ajax | 2 pikë | ||
| 4 | AOPEL | 1 pikë |
