Në dyshime për lojtarët e rinjë

Një nga problemet Barcelona do të duhet të përballet në javët e ardhshme është të përcaktojë të ardhmen e lojtarëve të rinjë për sezonin e ardhshëm.

Ata janë në situata të ndryshme sepse disa përfundojnë kontratën e tyre këtë qershor, të tjerët në 2022 dhe me disa është e nevojshme të vendoset nëse do të kenë një opsion për zgjatjen e kontratës. Bëhet fjalë për lojtarët: Mingueza, Ilaix, Riqui Puig, Iñaki Peña dhe Collado.

Disa prej tyre po luajnë një rol të madh këtë sezon, siç është Mingueza.

Mbrojtësi përfundon kontratën e tij, por klubi ka një mundësi për të zgjatur edhe për dy vite. Nëse ndodhë një gjë e tillë, futbollisti do të përmirësojë kushtet e tij ekonomike dhe sezonin e ardhshëm ai do të jetë një lojtar i ekipit të parë. Spanjolli gjithashtu mundë të largohet në formë të huazimit për një sezon. Klubi ka kohë deri më 30 maj për të vendosur.

Edhe rasti i Ilaix Moriba-së nuk do të jetë i lehtë. Kontrata përfundon vitin e ardhshëm, por ofertat për të po grumbullohen në tryezë.

Forma e mirë e Ilaix ka komplikuar situatën e Riuqui Puig, ai do duhet të vendos se çfarë dëshiron të bëjë në të ardhmën. Ai ka edhe dy vjet kontratë.

Dhe së fundmi raste të dy lojtarëve Iñaki Peña dhe Álex Collado. Portieri ka dy vjet në kontratën e tij por pritet të largohet në formë huazimi për të fituar përvojë.

Ndërsa mesfushori Alex, i përfundon kontrata në qershor, ai duket se është rikuperuar plotësisht nga dëmtimi i rëndë që pësoi sezonin e kaluar. Mbetet të shihet çfarë do të vendosë Barcelona nëse do ta rinovojë dhe çfarë roli mund të ketë në ekipin e parë.