SHQIP NGA RAJONI
Bardhi me super-gol në fitore
17 November, 2018 @11:04
Mesfushori i talentuar shkupjan, që vesh fanellën e Maqedonisë dhe luan për Levanten në LaLiga të Spanjës, Enis Bardhi, ka shënuar një super-gol mbrëmë në fitoren e Maqedonisë ndaj Lihtenshtajnit si mysafir.
Maqedonia ka mposhtur Lihtenshtajnin 2-0 jashtë, ndërsa Bardhi ka shënuar perlën e tij në minutën e 53-të të ndeshjes për t’ia dhënë epërsinë ekipit.
Më pas, në fund të ndeshjes u bë 2-0 dhe tashmë Maqedonia me 12 pikë ka ruajtur lidershipin në Grupin 4 të Ligës D të Kombeve dhe pritet që të sigurojë Ligën C në duelin e fundit, kur në Shkup pret Gjibraltarin më 19 nëntor.
