BAVARIA
REUTERS
Bayern shpërthen në fund
24 August, 2013 @17:29
Përkundër se David Alaba dështoi të shënonte nga penalltia në pjesën e parë të ndeshjes, Bayern përsëri tregoi fuqinë edhe pse vonë.
Frank Ribery dhe Arjen Robben ishin dyshja që me golat e tyre në 20 minutat e fundit të takimit ia sjellën Bayernit fitoren e radhës në Bundesligë, ndaj Nurnbergut 2-0.
Kosovari Xherdan Shaqiri luajti vetëm 10 minutat e fundit të ndeshje, kur trajneri Pep Guardiola e futi në lojë në vend të golashënuesit të parë të ndeshjes.
XHAKA DHE MEHMEDI, MPOSHTEN
Në ndeshjet tjera, Granit Xhaka me Borussia Monchengladbachun e tij u mposhtën kësaj radhe nga Bayer Leverkusen 4-2. Ekipi i Xhakës arriti të barazonte rezultatin nga 2-0 në 2-2, por gjysmëorëshi i fundit ishte i keq për ata ku pranuan edhe dy gola.
Admir Mehmedi ndërkaq sot hyri si zëvendësues për Freiburgun në minutën e 72-të, ndërsa krejt në fund pësoi karton të kuq. Freiburgu ka arritur që të nxjerrë barazim në ndeshjen e sotme ndaj Hoffenheimit si mysafir.
Rezultatet dhe tabelën aktuale shikojeni këtu.
