Kthjellet Arsenali

Skuadra e Arsene Wengerit, Arsenal, si duket është kthjellur. Pas humbjes së pësuar në xhiron e parë nga Aston Villa, ata sot kanë mposhtur Fulhamin në derbin e Londrës. 

Gjermani Lukas Podolski ka qenë në ditën e mirë të tij sot, duke shënuar dy herë për skuadrën e tij, derisa golin e parë e shënoi sulmuesi françez, Olivier Giroud. 

Në anën tjetër, debutuesi i Fulhamit, Darren Bent, me të hyrë në lojë ka shënuar golin e parë të tij për skuadrën e tij të re, sa për të përcaktuar rezultatin përfundimtar të ndeshjes, 1-3. 

Me këtë fitore, Arsenal ka marrë tre pikët e para të stinorit, derisa Fulhami ka mbetur në tre pikët e fituara në xhiron e kaluar me ndeshjen e fituar në saje të Pajtim Kasamit, që sot luajti për 90 minuta gjithashtu, por në fund u desht të pajtohej me humbje.

Tabela