Ndërrime në Fenerbahçe

Ersun Yanal, trajner i cili e zëvendësoi Aykut Kocamanin në krye të Fenerbahçes këtë stinor, ka filluar katastrofalisht stinorin e ri. 

Tre ndeshjet e para për Fenerbahçen në tre gara të ndryshme kanë nisur me humbje. Ata humbën finalen e Superkupës turke nga Galatasaray, që fitoi me golin e Didier Drogbas në minuta shtesë. Pësuan nga Konyaspor në hapje të stinorit 3-2, përkundër se në pjesën e parë kishin epërsi prej 0-2 dhe së fundi dështuan edhe në Ligë të Kampionëve duke pësuar 0-3 në Stamboll nga Arsenali në Play Off. 

Loja jo e mirë e disa lojtarëve dhe mosangazhimi i mjaftueshëm i tyre ka bërë që Yanal të mendojë për ndërrime drastike, por sipas NTV-së këto së pari do të bëhen në mesfushë. 

Kështu sipas këtij kanali televiziv pritet që viktimat e para në Fenerbahçe të jenë dy mesfushorët më me përvojë, Emre Belozoglu dhe Raul Meireles, të cilët pritet të zëvendësohet që këtë javë nga të rinjtë e klubit. 

Fenerbahçe është nënkampione e Turqisë dhe stinorin e kaluar ka arritur deri në gjysmëfinale të Europa League. Këtë fundjavë kanarinat ndeshen me Eskisehirsporin.