Bayerni optimist

Bayern Munchen ka mundësi të dalë në gjysmëfinale të Ligës së Kampionëve. Së pari, këtë e beson trajneri i ekipit Pep Guardiola, derisa statistikisht bavarezët kanë shënuar katër fitore në katër ndeshje në Allianz Arena, duke shënuar 13 e duke mos pranuar asnjë gol. 

“Në këtë ekip ku punojë unë, asnjëherë nuk është mjaft. Këtu është si në Barcelonë e Real Madrid - vetëm kur i fiton tre trofe atëherë ke arritur diçka. Jemi afër të shpallemi kampion, jemi në gjysmëfinale të Kupës së Gjermanisë dhe e duam edhe gjysmëfinalen e Ligës së Kampionëve,” ka thënë ndër të tjera Pep Guardiola në konferencën për shtyp para ndeshjes së sontme. 

Në anën tjetër, Porto ka një të dhënë impresive krahasuar me të gjitha skuadrat tjera çerekfinaliste. Ekipi portugez nuk ka pësuar në asnjë ndeshje të Ligës së Kampionëve këtë stinor. 

Ata u treguan të pamëshirshëm ndaj gabimeve të Bayernit në ndeshjen e parë dhe fituan 3-1 në Dragao. 

“Ne do të provojmë të luajmë lojën tonë, pa marrë parasysh se çka tenton Bayerni sonte. Ata janë ndër kundërshtarët më të fortë në Ligë të Kapmionëve dhe gjithçka mund të ndodh,” ka thënë Julen Lopetegui, trajner i Portos. 

Porto shënoi fitore 3-1 në Dragao të Portugalisë në ndeshjen e parë çerekfinale të Ligës së Kampionëve, ndërsa sonte Bayernit së paku i duhet fitorja 2-0 për të shkuar tutje.