COUPE DE FRANCE
REUTERS/Arkiv
Befasi të mëdha në Francë
23 January, 2014 @0:20
Ish kampioni i Francës, Montpellier, që nuk po kalon një stinor të mirë në Ligue 1, ka arritur të shkaktojë befasinë e madhe në kuadër të Kupës së Francës duke e eliminuar favoritin absolut, Paris St Germain.
Djelmoshat e Rolland Courbis janë angazhuar shumë për fitore sonte, të cilën në fund e kanë arritur, derisa Laurent Blanc i Paris St Germain kishte vendosur që të bënte një rotacion në skuadër duke lënë anash disa nga lojtarët kyq të saj.
Në fund, përkundër inkuadrimit të Zlatan Ibrahimovicit, Thiago Mottas dhe Hervin Ongendas, parisienët nuk kanë arritur që të ndryshojnë rezultatin 2-1 në favor të mysafirëve ambicioz dhe janë eliminuar nga Kupa.
Sonte, po nga Kupa e Francës është eliminuar edhe mbrojtësi i titullit, Bordeaux, që është eliminuar nga një ekip i ligës së pestë të Francës nga Korsika, Ile-Rousse Monticello, 4-3 pas ekzekutimit të penalltive.
