“Bëhu Zëri im” - fushata senzibilizuese, sonte në “Fadil Vokrri”

Me fillim nga ora 20:45, sonte Kosova përballet me Moldavinë në kuadër të Ligës C të Kombeve.

Kjo do të jetë ndeshja e fundit e Kosovës për këtë edicion të kësaj gare, ndërkohë që sonte i mjafton një barazim për të mos rënë në Ligën D.

TABELAT E GRUPEVE - LIGA E KOMBEVE

Kur jemi në ditën e ndeshjes, tifogrupi zyrtar i përfaqësueses, “Dardanët”, përmes një postimi në Facebook kanë njoftuar se sonte në “Fadil Vokrri” do të ketë një fushatë senzibilizuese në përkrahje të viktimave dhe të mbijetuarve të dhunës seksuale gjatë luftës në Kosovë.

Fushata shumë e rëndësishme “Be My Voice” apo “Bëhu Zëri im” sonte do t’i mbulojë ulëset e stadiumit të kryeqytetit sonte, i cili do të jetë në mungesë të shikuesve për shkak të pandemisë.