DANEZI
REUTERS
Bendtner në Bundesligë
15 August, 2014 @14:32
Pa asnjë cent të vetëm të shpenzuar, Wolfsburg, ka transferuar sulmuesin shtatëgjatë danez, Nicklas Bendtner, pasi që u lirua nga Arsenali.
Sulmuesi 26 vjeçar ka nënshkruar kontratë 3 vjeçare me ekipin gjerman Wolfsburg dhe do të garojë në Bundesligë.
Danezi në fjalë ka regjistruar 168 paraqitje për ekipin londinez duke shënuar 47 gola, derisa gjatë karrierës së tij në vitet e fundit është huazuar te Birmingham City, Sunderland dhe Juventus.
Ai do të veshë fanellën me numër 3 te Wolfsburgu, derisa ka mbajtur fanellën me numër 52 te Arsenali.
“Nëna ime e ka zgjedhur këtë numër për mua,” ka thënë Bendtner, pas njoftimit për numrin jo të zakonshëm për sulmuesit.
