Benfica apo Sevilla?!

Trajneri i Benficës, Jorge Jesus, beson se ekipi i tij tashmë është gati që të shënojë fitore në finale, pas dështimit në stinorin e kaluar. 

Që nga dy titujt e fituar me radhë në vitet e 60-ta të shekullit të kaluar, Benfica ka humbur shtatë herë në finale të garave europiane - dhe nuk ka arritur të ngrisë trofe. 

Tashmë, të gjithë besojnë se ky është viti për të thyer akullin. Kjo pasi që stinorin e kaluar patën hyrë në javën e fundit të Ligës, Kupës dhe Europës për të fituar titull të trefishtë - dhe mbetën pa asgjë në fund. 

Kësaj radhe Shqiponjat e Lisbonës arrijnë me dy trofe të fituar. Titulli dhe Kupa e Ligës janë fituar dhe në Torino sonte do të kërkojnë të tretën. 

E nëse arrijnë triumf sonte në Torino ndaj kundërshtarit të tyre, atëherë të dielën në finale të Kupës së Portugalisë mund të kurorëzojnë stinorin edhe me trofeun e katërt. 

Por në anën tjetër, Unai Emery me Sevillën, e kërkojnë me po aq ngulm trofeun e Europa League.

“S’kam qejf t’i lëshojë këto raste,” ka thënë Emery në konferencën për shtyp para ndeshjes. 

“Më kujtohen ditët kur e shikoja Juande Ramosin me Sevillën kur e pat fituar dy herë radhazi trofeun e Europa League, 2005/06 dhe 2006/07. Rasti erdhi, por edhe ne erdhëm.”

Për Andaluzianët ka qenë një stinor i lodhshëm europian ky. Ata ia nisën kampanjës për këtë trofe më 1 gusht të vitit të kaluar, duke kaluar 19 ndeshje ndaj kundërshtarëve nga mbarë Europa.

”Çkado që të ndodh në finale, ne jemi këtu. Por do të ishte e mrekullueshme të përfundojmë stinorin me këtë trofe,” ka përfunduar Emery. 

Sa i përket favoritit për të fituar këtë ndeshje finale - Benfica është ajo, pasi që ka kuotë 2.25 për fitore, e Sevilla 3.10. 

Finalet e fundit të Europa League:

FINALJA: