Benfica fiton, shpreson në kualifikim

Në takimin që morri më pak vëmendje sonte për shkak të Parisit e Barcelonës që po luanin në të njëjtin orar, Benfica e ka mposhtur Dortmundin me rezultat 1-0, në një takim i cili mund të thuhet se u dominua nga gjermanët.

Përkundër posedimit më të madh të topit dhe më shumë rasteve për shënim, Dortmundi u detyrua të pajtohet me humbjen, e cila erdhi nga goli i grekut Mitroglou pas një rrëmuje në zonë, gol i cili ishte i 13 për të në 13 takimet e fundit.

Përveç shumë rasteve për shënim gjatë lojës, Dortmundi e shpërdoroi edhe një penallti. Nga pika e bardhë i pasaktë u tregua Aubameyang, duke bërë kështu që Dortmundit t’i duhet domosdoshmërisht fitorja në ndeshjen e kthimit në ‘Signal Iduna Park’.

Në anën tjetër, Benficës për kualifikim i mjafton në barazim në ndeshjen e ardhshme, apo edhe një humbje minimale në rast se shënon të paktën një gol në terrenin mysafir.

Konstantinos Mitroglou Goal HD - Benfica 1… by Football—Live