Benfica shuan ëndrrat e Juventusit

Benfica me 10 futbollistë ka arritur që të qëndrojë stoike në Juventus Arena për të nxjerrë finalen e dytë me radhë të Europa League. 

Skuadra e Jorge Jesusit ka luftuar me mish e shpirt dhe ka duruar shumëçka në lojë për të siguruar barazimin 0-0 që e sjell atë përsëri në Juventus Arena, por tash më 14 maj, në natën finale të Europa League. 

Ëndrra e Bianconerëve për titull europian pas gati dy dekadave - u shua, ndërsa mundësia për të luajtur finalen në terren të vetë, gjithashtu ka rënë në ujë. Ndeshja e parë gjysmëfinale ndërmjet këtyre dy skuadrave kishte përfunduar me fitoren e Benficës 2-1 në Lisbonë.

Kjo është finalja e dytë e Benficës me radhë në Europa League. Në të kaluarën ata kishin pësuar në minutën e fundit nga Chelsea.