Benzema synon trofeun e golashënuesit

Sulmuesi francez po synon trofeun e tij të parë të golashënuesit më të mirë në kampionatin spanjoll. Sezonin e kaluar ai ishte gati për ta arritur atë.

Të jesh golashënuesi më i mirë në ligën spanjolle, është sfida e madhe që Karim Benzema ka synim.
Sulmuesi francez ishte shënuesi më i mirë në Ligue1 në sezonin 2007-08, kur ishte anëtar i Olympique Lyonnais (ai shënoi 20 gola në 36 ndeshje).

Sidoqoftë, që kur erdhi në Madrid, ai nuk ka arritur ta shpallë veten golashënuesi më i mirë i kampionatit .
Arsyeja e parë që e pengoi atë ishte prania e Cristianos. Portugezi, bashkëlojtari i tij midis sezoneve 2009 dhe 2018, ishte golashënuesi më i mirë në tre prej tyre: 2010-11, 2013-14 dhe 2014-15, atë e arriti me ndihmën e sulmuesit francez.

Deri më tani, Karim ka 17 gola. Përpara tij janë Leo Messi (23 gola) dhe Luis Suárez (19).
I kanë mbetur 10 ndeshje për të tejkaluar shifrat e dy rivalëve të tij .

Të shtunën, 33 vjeçari ka një sfidë të re përpara, ndeshja kundër Eibar. Nëse shënon ai do të arrijë shifrën prej gjashtë ndeshjeve rradhazi duke shënuar gol.
Deri tani ai ka shënuar disa herë në pesë ndeshje, por vetëm një herë ka arritur të shënoj në gjashtë ndeshje.