Berisha me hat-trick

Besart Berisha edhe një herë ka treguar aftësitë e tij. Sulmuesi shqiptar ka shkëlqyer duke shënuar hat-trick në ndeshjen ndërmjet ekipit të tij, Melbourne Victory, dhe skuadrës Tuggernanong United, që garon në një kategori më të ulët se ekipi i Berishës.

Ndeshja e zhvilluar në kuadër të Kupës së Australisë, përfundoi me fitoren e thellë të Melbourne-it, 6-0, derisa Berisha ishte ai i cili e hapi dhe e mbylli serinë e golave.

“Duhet të jemi profesional në ndeshje të tilla dhe ta marrim ate me shumë seriozitet,” tha Berisha për Fox Sports, duke treguar kështu se nuk është nënçmuar kundërshtari para ndeshjes, megjithëse garon në kategori më të ulëta.

Malbourne Victory me këtë fitore ka arritur të kualifikohej në çerekfinale të Kupës së Australisë.