Fantasy TopSporti
Të gjitha lajmet
Tabelat dhe Rezultatet

TREPÇA - BESA

Besa fiton në Mitrovicë, rënia mbetet e paevitueshme

TOPSPORTI/ D. S.

Besa fiton në Mitrovicë, rënia mbetet e paevitueshme


14 May, 2022 @17:10

Një paraqitje mjaft e mirë nga skuadra e Besës në Mitrovicë sot.

Pejanët, ndonëse matematikisht e kishin siguruar rënien në Ligën e Dytë para se ta fillonte takimi i sotëm, treguan karakter dhe zhvilluan paraqitje mjaft të mirë, duke e mposhtur Trepçën vendase me rezultat 1-3 (Milivoj Govorko 9’ / Dren Idrizi 42’, Redon Syla 50’, Sikhulekile Sibanda 57’).

Të parët në epërsi kaluan vendasit që në minutën e 9’ me golin e Milivoj Govorkos, derisa pejanët barazuan pak pa u mbyllur pjesa e parë. Ishte Dren Idrizi ai që me të majtën në minutën e 42’ shënoi për 1-1, rezultat me të cilin u mbyll pjesa e parë.

TABELA PËRFUNDIMTARE E SEZONIT 2021/2022

Në pjesën e dytë, pejanët shënuan dy herë dhe e fituan takimin. Fillimisht në minutën e 50’ shënoi mjeshtërisht Redon Syla nga gjuajtja e lirë e shtatë minuta më vonë për rezultatin përfundimtar 1-3 shënoi Sikhulekile Sibanda.

Përkundër fitores së sotme, Besa me 29 pikë e mbyllë sezonin në vendin e fundit të Grupit A në Ligën e Parë dhe bie në Ligën e Dytë, kurse Trepça të paktën edhe sezonin tjetër do të jetë pjesë e Ligës së Parë.

Për mbamendje, sot u pensionua futbollisti që ka luajtur mbi një dekadë për Trepçën, Fetah Ibrahimi.


 
Të gjitha lajmet nga FFK Liga e parë