BESA - GJILANI
Besa humb penalltinë, Gjilani kthehet me pikë nga Peja
30 October, 2016 @15:51
Ndeshja ndërmjet dy skuadrave të mesit të tabelës në Superligë, Besës dhe Gjilanit, përfundoi me rezultat të barabartë pa gola.
Në pjesën e parë mysafirët ishin më ofansiv në lojë, mirëpo jo edhe aq sa për të shënuar.
Besa e huqi rastin kryesor në ndeshje, kur në minutën 63’ fitoi penallti pasi Xhevdet Shabani u rrëzua në zonën e reptësisë, mirëpo nga pika e bardhë dështoi Fetim Kasapi, goditjen e të cilit e ndali portieri Faton Maloku.
Fundin e ndeshjes Besa e priti me një lojtar më pak, pasi Florent Papuqi u ndëshkua me kartonin e dytë të verdhë dhe më pas edhe me të kuqin, për shkak të një kacafytjeje me futbollistët kundërshtarë.
Besa në ndeshjen e radhës e pret në shtëpi kampionin Feronikelin, kurse Gjilani udhëton në Mitrovicë për t’u takuar me Trepçën ‘89.
