BESA 2-0 ARBËRIA
Foto nga arkivi
Besa mposht ndjekësin kryesor, rikthen epërsinë në krye
4 March, 2020 @15:45
Besa e Pejës ka arritur që të ndalë befasinë e stinorit në Ligë të Parë, Arbërinë, duke e mposhtur në Shahin Haxhiislami sot 2-0.
Pejanët me këtë fitore kanë rikthyer avantazhin 4 pikësh në krye të klasifikimit të Ligës së Parë dhe tashmë po hynë në 11 xhirot e fundit me një epërsi prej 7 pikësh ndaj vendit të tretë.
Besa me këtë fitore është këndellur nga humbja befasuese e xhiros së kaluar në Kamenicë nga Dardana, derisa Arbërisë i është ndalë seria e fitoreve që prej nismës së pjesës së dytë të stinorit në Ligë të Parë.
Arbëria në anën tjetër duhet të këndellet që në ndeshjen e radhës, ku e pret një derbi i radhës ndaj Malishevës, derisa Besa do t’i shkojë Vëllaznimit, që s’është fare në formë.
