Besnik Hasi e Elseid Hysaj sigurojnë plasmanin në grupet e Champions League

Pas rezultateve të arritura sonte, Olympiacosi i Besnik Hasit e ka siguruar plasmanin në fazën e grupeve të Ligës së Kampionëve.

Skuadra greke e drejtuar nga trajneri gjakovar fitoi 0-1 ndaj Rijekës në Kroaci, për ta mposhtur me rezultat të përgjithshëm 3-1 pas dy ndeshjeve këtë skuadër.

Përveç Hasit, sonte kualifikimin në grupe e siguroi edhe Elseid Hysaj me Napolin pas fitores 0-2 ndaj Nices në Francës, ndërsa Basaksehiri i Sokol Cikalleshit u eliminua nga Sevilla përkundër paraqitjeve solide në të dy takimet e Play Off-it.

Dy skuadrat e tjera që u kualifikuan sonte janë Celtic dhe Maribor, ndërsa duele të tjera të fazës Play Off zhvillohen edhe nesër mbrëma, e më pas shorti për fazën e grupeve mbahet pasditen e së enjtes.