Beson në fitore ndaj Juves

Forma momentale e djemve të Andrea Stramaccionit edhe pse nuk është konstante, ata para pushimit për ndeshjet e kombëtareve, shënuan një fitore kundër Tottenhamit e cila edhe pse nuk i kualifikoi më tutje në Europa League, megjithatë i ka mbushur me moral.

Fitorja e Interit në nëntor i dha fund ecurisë së Juves prej 49 ndeshjesh pa humbje në Seria A dhe qendërmbrojtësi është duke kërkuar që sërish Interi t’i shkaktojë kokëdhimbje Juves.

“Shpresoj që të fitojmë përsëri,” tha Ranocchia për Sportmediaset.

“Ne mund ta mposhtim Juventusin nëse aplikojmë lojën ekipore, kjo është metoda e duhur. Ne duhet që ta marrim si model performancën tonë kundër Tottenhamit”.

Ranocchia gjithashtu tha se kanë mbeshtetje të plotë për trenerin e tyre Stramaccioni edhe pse nuk po arrijnë të shënojnë rezultate të mira.

“Janë disa thashetheme dhe këto nuk duhet fare të shkaktojnë ndonjë presion në punën e tij, ne të gjithë jemi mbrapa Stramas. Ne do të japim maksimumin në të gjitha ndeshjet dhe do të luftojmë deri në fund për të siguruar një vend në Ligën e Kampionëve, edhe pse do të jetë mjaft vështirë ngase ka shumë ekipe që luftojnë për këtë.” përfundoi Ranocchia.

Derbi ndërmjet Interit dhe Juventusit zhvillohet të shtunën, me fillim në ora 15:00 në Giuseppe Meazza.