Pedro, mungon në 3 ndeshje

Sulmuesi katalanas, Pedro Rodriguez, do të mungojë në dy ndeshjet e ardhshme për klubin e tij, Barcelona, si pasojë e një lëndimi gjatë ndeshjes kundër Francës në kuadër të eliminatoreve për botërorin Brazili 2014.

Pedro shënoi golin e vetëm që u dha 3 pikë spanjollëve dhe pastaj u zëvendësua në minutën e 76 si pasojë e këtij lëndimi. Pedro mund të mungojë në dy ndeshjet e radhës për Barcelonën, ato kundër Celta Vigos të shtunën dhe kundër Mallorcas në fundjavën tjetër.

Përveç lëndimit, Pedro gjithashtu do të mungojë si pasojë e suspendimit, në ndeshjen e parë në kuadër të ligës së kampionëve ku Barcelona do të ndeshet me Paris Saint-Germain.