Biznesi i Wengerit

Milionat e fituar në krah të tjerëve janë njëra ndër arsyet pse Arsene Wenger është njëri ndër menaxherët më të mirë të futbollit në Angli. 

Përveç se punon me të rinjtë ai i mundëson klubit të fitojë edhe kur shet lojtarë. 

Kështu, me shpalljen e Barcelonës kampion të Spanjës, si pjesë e marrëveshjes së shitjes së Cesc Fabregasit dhe Alexander Songut, arka e Arsenalit do të pasurohet me 2.75 milionë funta. 

Ndërsa një pikë e marrëveshjes së Jay Simpsonit, i cili kaloi nga Arsenali në Hull City në vitin 2010, do ti sjellë topçinjëve edhe 250 mijë funta tjera. 

Wenger sonte pret që të shënojë fitore ndaj Wiganit në ndeshjen e mbetur të Premier League dhe të sigurojë edhe Ligën e Kampionëve - që do ta pasuronte Arsenalin edhe me nja 10 milionë funta tjera që tani.