Blatter i përgjigjet Boatengut

Pas incidentit të ndodhur në ndeshjen Pro Patria - Milan, ku u ndërpre ndeshja pasi që viktima Boateng dhe ekipi i tij Milan u tërhoqën nga fusha për shkak të fyerjeve raciste, ka reaguar kreu i FIFA-së, Sepp Blatter. 

“Të dalësh nga fusha? Jo. Nuk është kjo zgjidhje. S’besoj se mund të ikësh. Për racizmin toleranca është zero dhe zgjidhja e vetme është të bëhemi shumë të ashpër me dënime e sankcionime, diçka si heqja e pikëve ose e ngjajshme,” ka thënë mes tjerash numri një i futbollit botëror, Blatter. 

Sot, para ndeshjes me Sienan, i tërë ekipi i Milanit kishte shkruar në fanellat e tyre mesazhin “AC Milan kundër racizmit”, duke i dalë në përkrahje të plotë futbollistit të tyre.