Bruno hattrick, Pogba 4 asiste —  shkëlqen Man. United

Manchester United ka nisur stinorin 2021/22 në Premier Ligë, shkëlqyeshëm. Skuadra e Ole Gunnar Solskjaer ka fituar bindshëm dhe me lojë fantastike skuadrën e Leeds Unitedit duke e mposhtur sot në Old Traffordin me plotë shikues, 5-1 [Bruno Fernandes 30, 54, 60, Greenwood 52, Fred 68 — Ayling 48].

Brilanca e Unitedit u pa që në fillim të ndeshjes, ndërsa portugezi Bruno Fernandes ka shënuar golin e parë të stinorit për ekipin e tij.

Sidoqoftë, mysafirët barazuan me t’u kthyer në pjesë të dytë përmes Luke Ayling. Por gëzimi i mysafirëve ishte i shkurtër, pasi që nxënësit e Solskjaerit vazhduan me ritmin e njëjtë dhe me një fjalë shkyen portën e Ilan Meslierit të Leedsit, duke shënuar edhe 4 herë të tjera.

Yjet e ndeshjes në Old Trafford sot ishin Bruno Fernandes që shënoi hat-trick për ekipin e tij, ndërsa Paul Pogba dha 4 asistime për bashkëlojtarët e tij në përballjen e fituar për të nisur mbarë stinorin e ri të Premiershipit.

Pogba u bë lojtari i parë në histori të Unitedit që bëri 4 asistime në një ndeshje të Premier Ligës, duke shënuar rekord.

Ndërsa në pjesë të dytë për ekipin debutoi Jadon Sancho i ardhur nga Borussia Dortmund, që u fut në lojë në vend të Anthony Martialit në minutën e 75 të ndeshjes.

E Bruno në anën tjetër është bërë lojtari i parë që shënon hattrick në ndeshjen e parë të stinorit në Premier Ligë.