DUELI I BARAZHIT
Caktohet data e barazhit, Rahoveci - Ramiz Sadiku
28 May, 2019 @16:43
Sot është hedhur shorti i barazhit për Ligë të Parë të Kosovës në futboll, ku përveç çiftit Bashkimi - Dardana, çifti tjetër është bërë Rahoveci - Ramiz Sadiku.
Ramiz Sadiku përfundoi Ligën e Parë në pozitën e 13 dhe do të luftojë për të ruajtur statusin e saj ndaj Rahovecit, që vjen nga Liga e Dytë Grupi A.
Përballja do të zhvillohet në Mitrovicë, në stadiumin Riza Lushta, ndërsa ndeshja do të luhet të hënën më 3 qershor me fillim prej orës 16:00.
Ndeshja do të përcaktojë fituesin atë ditë. Pra, nëse nuk ka fitues përgjatë 90 minutave, dueli shkon në vazhdime, e pastaj në rast nevoje edhe penallti.
Cilido ekip që e fiton duelin do të luajë në stinorin 2019/20 në Ligë të Parë, ndërsa humbësi në Ligë të Dytë.
Rahoveci në stinorin 2017/18 kishte rënë nga Liga e Parë në të Dytën dhe synon rikthimin e menjëhershëm.