Cana rikthehet në Stamboll

Fituesi i vjetshëm i Ligës së Kampionëve, Chelsea, do të kërkojë fitore ndaj Rubin Kazanit rus, në Stamford Bridge sonte. 

Kjo do të jetë ndeshja e tretë për londinezët në 6 ditët e fundit, pas Southamptonit dhe Manchester Unitedit. 

Trajnerit të Chelseat, Rafael Benitez, do t’i mungojnë dy figura kyqe të mbrojtjes si Ashley Cole dhe Gary Cahill, të dy të lënduar. 

Në anën tjetër, rusët kanë ekip të fortë dhe nuk mposhten lehtë. Seria e tyre me fitore është mahnitëse, derisa mposhtën mbrojtësin e titullit të Europa League, Atletico Madrid, rrugës për çerekfinale. 

Tottenham është gjithashtu i entuziazmuar për këtë trofe, pas fitores ndaj Interit. Ata sonte ndeshen me ish ekipin e Xherdan Shaqirit, Basel, në White Hart Lane. 

Andre Villas Boasit do t’i mungojnë: Sandro dhe Clint Dempsey. Braziliani Sandro mungon për shkak të lëndimit, derisa amerikani Dempsey, është pikëpyetje e përzgjedhjes nga trajneri. 

Baseli ka dyshen fatale në finalizim. Dy ujq me përvojë si Alexander Frei dhe Marco Streller, do të shënojnë nëse u ipet rasti. 

Shqiponja e Lisbonës, Benfica, do të pres Newcastle Unitedin, që u godit në fundjave nga Manchester City 4-0. Portugezët janë të aftë në këtë garë dhe mungesa e disa lojtarëve te ekipi anglez do t’ua lehtësojë edhe më punën atyre. 

Alan Pardew-së i mungojnë: Fabricio Coloccini, Tim Krul, Cheick Tiote, Hatem Ben Arfa, Davide Santon dhe Mathieu Debuchy - të gjithë të lënduar. 

Ndeshja tjetër do të jetë luftë italo-turke, ku takohen Fenerbahçe me Lazion e Lorik Canës. Turqit kërkojnë fitore në Stamboll, para udhëtimit në Romë. Fenerbahçe është në formë të mirë, pasi që ka shënuar katër fitore në pesë ndeshjet e fundit dhe gjindet në pozitën e dytë të Superligës turke. 

Lorik Cana, i cili njeh mirë atmosferën në stadiume turke, pasi që vite më parë luajti për Galatasarayin, ka lartësuar kundërshtarin në konferencë për shtyp. 

EUROPA LEAGUE SONTE, ÇEREKFINALET: