Cenk Tosun te Evertoni, arrihet marrëveshja

Pas shumë thashethemeve, duket që marrëveshja mes Evertonit dhe Besiktasit për transferimin e sulmuesit Cenk Tosun është arritur.

Mediat turke dhe mediat më të besueshme britanike raportojnë që lojtari në fjalë do të zyrtarizohet te Evertoni këtë fundjavë, ndërsa shuma e transferimit do të jetë 27 milionë funte.

Kryetari i klubit të Besiktasit, Fikret Osman, mbrëmë ishte në Londër për ta shikuar ndeshjen mes Arsenalit dhe Chelseat, ndërsa spekulohet që gjatë vizitës së tij në Angli do të kompletohet përfundimisht marrëveshja mes Evertonit dhe Besiktasit, si dhe kryetari Osman do të negociojë për transferimin e mundshëm të ndonjërit prej Slimanit apo Giroudit në Besiktas.